الزواج خطوة خطوة

من طرف **الادارة** الأحد أبريل 08, 2012 12:16 pm

.

التطـــــــور الطبيــــــــعى للزواج

الزواج خطوة خطوة 392image

يتطور الزواج وينمو مثل أى كائن حى ويمر بمراحل عديدة مرورا بالخطوبة وتأسيس عش الزوجية وينتهى بالنهاية السعيدة التى ينتظرها كل العاشقين وتأخذ هذه التطورات عدة أشكال على النحو التالى

أولا: تطوركلمة بحبك
بعد 6 اسابيع : بحبك بحبك بحبك … بحبك
بعد 6 شهور : اكيد بحبك
بعد 6 سنين : ياساااااااتر! …. يعنى لو مش بحبك

كنت هاتجوزك ليه ؟؟؟
ثانيا : تطور عودة الزوج من عمله
بعد 6 اسابيع : حبيبتي انا جيت من الشغل
بعد 6 شهور : انا رجعت
بعد 6 سنين : فين الاكل يا هانم؟؟
ثالثا : حين يرد على جرس التليفون
بعد 6 اسابيع : حبيبتي فى حد عايزك على التليفون
بعد 6 شهور : التليفون دة ليكى
بعد 6 سنين : ماتردى ! انا عندى صداع
رابعا : وقت الغداء
بعد 6 اسابيع : ماكنتش اعرف ان نفسك حلو في الطبخ اوى كدة
بعد 6 شهور : عاملة ايه النهاردة ؟؟
بعد 6 سنين : بامية تانى… اووف
خامسا : لما تشترى فستان جديد
بعد 6 اسابيع : مبروك ياحبيبتي , هياكل منك حتة
بعد 6 شهور : انتى جبتى فستان جديد تانى ؟
بعد 6 سنين : همم… بكام ده؟
سادسا : لما يتفرجوا على التليفزيون
بعد 6 اسابيع : تحبي نشوف فيلم ايه ؟
بعد 6 شهور : ماتقلبيش المحطة انا الماتش جاي حالا
بعد 6 سنين : انا رايح السينما , نامى انتى بقى
سابعا : لما تعزم حد من صديقاتها
بعد 6 اسابيع : وماله اهلا بيهم فى اى وقت
بعد 6 شهور : انتى كل اسبوعين هاتعزميلنا حد ؟
بعد 6 سنين : يوووووه دة مابقاش بيت
ثامنا : لما يروحو السوبر ماركت
بعد 6 اسابيع : تحبي تروحى انهى سوبر ماركت يا حياتى
بعد 6 شهور : وماله عم انور البقال ؟
بعد 6 سنين : انتى بتودى الاكل فين !؟؟
تاسعا : لما حماته تيجي علشان تزورهم
بعد 6 اسابيع : يا سلام ده البيت والعمارة والحتة كلها منوره يا طنط
بعد 6 شهور : هي أمك فاضية ماورهاش حاجة
بعد 6 سنين : نهار إسود ده .. هى أمك كل يوم تنطلنا أنا خارج ومش عارف هرجع إمتى!؟؟
عاشرا : لما ييجى عيد ميلادها
بعد 6 اسابيع : معلش كان نفسي اجيبهولك الماظ
بعد 6 شهور : خدى 50 جنيه وهاتى اللى انتى عايزاه
بعد 6 سنين : مش عيد ميلادك كان السنة اللى فاتت هوكل سنة ولا ايه !؟
أما فى مناسبة العيد
بعد 6 اسابيع : حبيبتي الكحك والبسكوت برة على السفرة
بعد 6 شهور : مش واجب بقي مامتك تجيب لنا الكحك
بعد 6 سنين : مش لازم كحك السنة دى .. انتى تخنتى اوى
طيب وهى رايحة للدكتور
بعد 6 اسابيع : حبيبتي قولى لى قبلها عشان اعمل حسابي فى الشغل
بعد 6 شهور : خدى مامتك ولا حد من صحابك
بعد 6 سنين : دكتور دكتوووووووور .. مانتى زى البمب اهو
مع قدوم المولود الأول
المولود الاول : زى القمر …. شبهك
المولود التانى : شبه اخوه
المولود التالت : ياريت تخللى بالك المرة الجايه.
أما فى حالة لما يجي يزورك واحد صاحبك
بعد 6 اسابيع : تقابله من ع الباب وتستضيفه بالكتير ربع ساعة..وتنصحه إن الجواز ما فيش احسن منه
بعد 6 شهور : تاخده وتخرج بيه البلكونة وتشكي من مشاكل الزواج وتنصحه بعدم خوض التجربة..إبقى تعالى بكره..هستناك
بعد 6 سنين : تقوله ما تخليك تبيت معانا .. بجد والله
وبمناسبة زيارة حد من قرايبها ومعاه طفل صغير وشقي
بعد 6 اسابيع : لا لا براحته .. ما شاء الله ده عسل قوي ودمه خفيف
بعد 6 شهور : حاسب يا حبيبي .. إنزل من على الأنتريه
بعد 6 سنين : إنزل يا بن الـ ….. احسن لك

ياترى فيه حد بعد النصايح دى حيفكر يتجوز فهذه رسالتى لك شاب عازب يفكر ان يرتبط علشان ماحدش يقول انى ماقلتش

ألا قد بلغت اللهم فاشهد

ولكم تحياتى وعزائى

وفى انتظار تعليقاتكم

ولكم منى كل الحب

ابالغلعغ